Министрлік Қазақстан халқынан заңсыз ойынханалар туралы хабарлауды сұрап, үндеу жасады

Туризм және спорт министрлігі заңсыз ойын бизнесімен, оның ішінде лицензиясы жоқ букмекер кеңселерімен және интернет-казинолармен күресті күшейту мақсатында ел тұрғындарынан белсенді азаматтық ұстаным көрсетуді сұрады, деп хабарлайды Zakon.kz.

"Ойын бизнесіне бей-жай қарамайтын ел тұрғындарынан белсенді азаматтық ұстаным көрсетуін және интернет-казинолардың, "қара" букмекер кеңселерінің және заңсыз құмар ойындар мен бәс тігудің басқа да ұйымдастырушыларының сайттарын анықтаған жағдайда URL-сілтемелерді, ілеспе материалдарды (фотолар, скриншоттар) көрсетілген мекенжайларға жіберулеріңізді сұраймыз", - делінген министрлік үндеуінде.

Мекенжайлар:

• Электрон пошта [e-mail]
• WhatsApp мессенджер [phone]
• Қысқа сілтеме: https://wa.me/message/47IZQWTOEYQWF1
• Telegram бот @stop_online_casino_bot
• Қысқа сілтеме: https://t.me/stop_online_casino_bot

Сонымен қатар төмендегі сілтемеде ойын бизнесі саласындағы қызметпен айналысу құқығына ие субъектілердің тізімі, яғни өз қызметін заңды түрде жүзеге асыратын субъектілердің тізімдері жарияланған https://www.gov.kz/memleket/entities/tourism/activities/30029?lang=ru&parentId=29976.

Қазақстанда казино мен интернет-казино, ойын автоматтары залдары, букмекерлік кеңселер мен тотализаторларға заңнамалық лицензияларынсыз ойын бизнесін жарнамалауға қатаң тыйым салынған.