Түркістан облысында көліктен 40 келіге жуық есірткі табылды

Түркістан облысының полицейлері екі қап есірткі тәркіледі.

Полицейлер Батыс Қытай – Батыс Еуропа трассасының 601-шақырымында Honda Odyssey көлігін тоқтатты. Тексеру кезінде көліктің жүксалғышынан екі қап есірткі табылды.

Алынған заттар сараптамаға жіберілді. Тәркіленген заттың 40 келіге жуық кептірілген марихуана екені анықталды.

Есірткіні заңсыз тасымалдау дерегі ҚР ҚК-нің 296-бабы "Есірткі, психотроптық заттармен, сол тектестермен өткізу мақсатынсыз заңсыз жұмыс істеу" бойынша тіркелді. Ер адам қамауға алынды.

"Тергеу жүргізіліп, барлық жағдай, соның ішінде есірткі жеткізу арналары анықталып жатыр", - делінген Polisia.kz хабарламасында.