Таразда жолаушылар автобусы жаяу жүргіншіні қағып кетті
Сурет: Алматы әкімдігі
Таразда автобус жүргізушісі көлік тұрағындағы жаяу жүргіншіні қағып кетті, деп хабарлайды Zakon.kz.
Тараз жол полициясының мәліметінше, 29 қаңтарда Төле би даңғылымен келе жатқан маршруттық автобус жүргізушісі жол ережесін өрескел бұзып, көлік тұрағына кіріп кетіп, жаяу жүргіншіні қағып кеткен.
"Жамбыл облысының полиция департаментінің қызметкерлері Таразда жаяу жүргінші мен жолаушылар автобусы соқтығысуы бойынша сотқа дейінгі тергеу амалын бастады. Апат салдарынан жаяу жүргінші алған жарақатынан оқиға орнында көз жұмды", - делінген хабарламада.
Ведомство қазір автобус жүргізушісіне қатысты бұлтартпау шарасын таңдау мәселесі шешіліп жатқанын айтты. Сот-медициналық сараптамалар тағайындалды.
Бұған дейін Солтүстік Қазақстанда мас жүргізушінің балалар мінген мектеп автобусын айдап бара жатқаны хабарланған еді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
