ШҚО тауларында жасанды жолмен қар көшкіні жүргізілді

12 наурызда Шығыс Қазақстан облысындағы тауларында жарылғыш заттар пайдаланыла отырып, жасанды жолмен қар көшкіні жүргізілді, деп хабарлайды Zakon.kz.

ҚР ТЖМ мәліметінше, Шығыс Қазақстан облысында Алтай ауданында 5 профилактикалық қар көшкіні жүргізілді.

"Түскен массаның жалпы көлемі 11000 текше метрді құрады. Көшкіндер жолды толығымен жауып тастады. Зардап шеккендер мен қиратулар жоқ. Сағат 15-30-да жол жүру қамтамасыз етілді. 300 келі жарылғыш материал пайдаланылды", делінген хабарламада.

10 наурызда Алматы облысының тауларында қар көшкіні болуы мүмкін екендігі белгілі болды.