ҚР ТЖМ Ресейдегі дамбаның жарылуына байланысты мәлімдеме жасады

ҚР ТЖМ, Ресей, дамба, мәлімдеме, сурет - Zakon.kz жаңалық 06.04.2024 06:50

Сурет: ҚР ТЖМ баспасөз қызметі

ҚР Төтенше жағдайлар министрлігі 6 сәуірде Ресейдің Орск қаласында Урал (Жайық) өзеніндегі дамбаның жарылуына байланысты мәлімдеме жасады, деп хабарлайды Zakon.kz.

Құзырлы ведомство көрші елдегі аталған төтенше жағдайға байланысты Қазақстанға су келіп жатпағанын нақтылайды.

"РФ ТЖМ ДЖБО-ның жедел кезекшісінің мәліметінше, Орынбор облысындағы Орск қаласы маңында Урал өзенінің қорғаныс бекінісі ішінара бүлінген. Жарық су деңгейінің 870 см белгісінде пайда болған: ені - 2 метр, биіктігі - 1 метр. Қауіп тек Орск қаласына жақын елдімекендерге төніп тұр, Қазақстанға су келіп жатқан жоқ. Орынбор облысының шығысында Қостанай облысына жақын орналасқан, ескі қалада бұзылған бөгет қазіргі уақытта БҚО үшін қауіп төндірмейді. Жағдай бақылауда", - деді ҚР ТЖМ.

Қазір қос елдің құзырлы ведомствосы тәулік бойы жедел ақпарат алмасуда екені де жеткізілді.

"Қазақстан Республикасының Төтенше жағдайлар министрі Чингис Аринов Ресейдегі әріптесі, Төтенше жағдайлар министрі Александр Куренковпен тікелей байланыста. Екі ведомствоның басшылары су тасқыны жағдайы мен әрекет ету шаралары туралы өзекті ақпаратпен шұғыл түрде алмасуда", делінген ресми хабарлама.

Айта кетсек, Ресейдің Орынбор облысындағы Орск қаласында 5 сәуірде Жайық (Урал) өзенінде бөгет бұзылып, бірқатар аудан тұрғындары эвакуацияланып жатқаны хабарланған болатын.

Оқи отырыңыз