Қарағанды облысында шаруашылық нысан өртенді

Өрт, Қарағанды облысы, шаруашылық нысан, сурет - Zakon.kz жаңалық 11.05.2024 13:42

Сурет: ҚР ТЖМ

Қарағанды облысы Абай ауданында тұрғын үйдің ағаш конструкциялары мен оған жапсарлас салынған шаруашылық нысан өртенді, қызыл жалын 250 шаршы метрді қамтыды, деп хабарлайды Zakon.kz.

Қарағанды облысы ТЖД өрт толығымен сөндірілгенін, зардап шеккендер мен құрбандар жоқ екенін нақтылады.

"Бүгін, сағат 09:14 -те Абай ауданы, Топар ауылы, Б.Момышұлы көшесінің бойында орналасқан тұрғын үйдің ағаш конструкциялары мен оған жапсарлас салынған шаруашылық нысаны өртенді, қызыл жалын 250 шаршы метр аумаққа тарады, одан кейін 30 шаршы метр болатын үйдің шатыры құлады", делінген хабарламада.

Ведомствоның мәліметінше, өртті сөндіруге жеке құрамның 21 адамы және алты бірлік техникасы, сондай-ақ "Семсер-Өрт сөндіруші" мекемесінің бес адамы мен бір техникасы жұмылдырылды.

Қарағанды облыстық ТЖД барлық азаматты өрт қауіпсіздігі ережелерін сақтауға шақырады.

Оқи отырыңыз