"Атырау-Орал" тас жолының бір бөлігі жырылды

Атырау облысының Махамбет ауданындағы "Атырау-Орал" республикалық маңызы бар тас жолының Жалғансай ауылының маңындағы учаскесінің бір бөлігі жырылды, деп хабарлайды Zakon.kz.

ҚР ТЖМ баспасөз қызметінің хабарлауынша, бұл шара кіретін суды тиімді бұру және берілген учаскеде қозғалыс қауіпсіздігін қамтамасыз ету үшін қажет.

Қажет болған жағдайда ҚР ТЖМ құтқарушылары қайықпен өтуді жүзеге асыратын болады.

Айта кетсек, су тасқынынан зардап шеккендерге Құлсарының қауіпсіз аймағынан жер телімдерін беру ұсынылғаны хабарланған.