Президент Раисидің тікұшақ апатынан қаза тапқандардың денелері табылды
Сурет: Telegram/isna94
Бұл туралы 2024 жылдың 20 мамырында Иран Қызыл Жарты ай қоғамы хабарлады.
"Президенттік тікұшақ апатынан қаза тапқандардың барлық денелері апат орнынан жедел жәрдем көліктеріне жеткізіліп, Табризге жіберілді... Денелерді іздеу аяқталды", - деді Қызыл Жарты Ай қоғамының басшысы Пир Хосейн Коливанд.
Ол іздеу жұмысының қараңғыға, тұман мен жаңбырға қарамастан жүргізілгенін және тікұшақтың сынықтары дрон арқылы табылғанын атап өтті.
Иран Қызыл Жарты Ай қоғамының басшысы президент Раисидің қайтыс болуына байланысты көңіл айтты.
2024 жылдың 19 мамырында Иран президенті Ибрахим Раисидің тікұшағы "шұғыл қонғаны" белгілі болды. Борт Ми-171 Парсабад қаласынан оралып келе жатқан болатын. Онда Иран шенеуніктері Әзірбайжан президенті Ильхам Әлиевпен бірге Аракс өзеніндегі Гыз-Каласы бөгетінің салтанатты ашылуына қатысты.
Тікұшақтың апатқа ұшырауына байланысты ауқымды іздеу жүргізілді. 20 мамырда таңертең борт Тавал аймағында табылды, бірақ жолаушылардың ешқайсысы, соның ішінде президент Ибрахим Раиси мен Иран СІМ басшысы Хосейн Амир Абдоллахиян де аман қалмады.
