Жасөспірімдердің жаңа ермегі үшін ата-аналарына айыппұл салынады
Сурет: Atyrau oil бейнесінің скриншоты
"Балалардың ата-аналарына әкімшілік құқық бұзушылық туралы кодекстің 412-бабы бойынша айыппұл салынады. ТЖД құтқарушылары күн сайын профилактикалық рейдтер жүргізуде. Бүгінгі таңда балалары су айдындарының қауіпті учаскелерінде шомылған жасөспірімдердің 20 ата-анасына айыппұл салынды", - деді Атырау облысы ТЖД "Өрт сөндіру және авариялық-құтқару жұмыстары қызметінің" баспасөз хатшысы Фаруза Қайроллина.
Әзірге шомылу маусымы аймақ аумағында ресми түрде ашық емес. Алайда аптап ыстық балаларды жаппай суға тартуда. Жыл басынан бері суда бес адам қайтыс болды, оның ішінде бір бала. Өткен жылы жеті адам суға батып кетті, оның үшеуі бала. Құтқарушылар атыраулықтар мен аймақ қонақтарын шомылудан бас тартуға шақырады, өйткені әзірге Жайық өзенінің су ағыны әлі де күшті.
Бұған дейін Нұра өзеніне батып кеткен екінші қыздың денесі табылғаны хабарланған болатын. Естеріңізге сала кетейік, 29 маусымда Нұра өзенінде екі оқушы суға батып кетті. Қайғылы оқиға Бұқар жырау ауданының Қызылжар кентінде болған. 19: 00-де жедел құтқару жасағының күштері 2011 жылы туған қыздың денесін тауып, шығарып алды. 2009 жылы туған қыздың мәйіті 2 шілде күні табылды.
