Маймыл шешегінің эпидемиясы: санитарлық дәрігерлер қазақстандықтарға үндеу жасады
Фото: primeminister.kz
Сонымен қатар, санитарлық дәрігерлер вирустың негізгі белгілері туралы айтып, оны қалай жұқтырмау керектігі туралы ақпаратпен бөлісті.
Маймыл шешегі – маймыл шешегі вирусынан туындайтын зооноздық (адамға жануарлардан жұғатын) жұқпалы ауру. Негізгі клиникалық белгілері:
- Оның инкубациялық кезеңі 5-тен 21 күнге дейін созылуы мүмкін.
- Аурудың қызба кезеңі әдетте 1-ден 3 — күнге дейін созылады. Белгілері: қызба, бөртпе, тамақтың ауруы, бас ауруы, бұлшық еттің және арқаның ауруы, лимфа түйіндерінің ісінуі.
Комитеттің хабарлауынша, ағымдағы жылдың соңғы алты айында ай сайын тіркеліп отырған жағдайлардың саны 2022 жылғы тамызда тіркелген 30721 жағдайдың әлемдік ең жоғарғы шегімен салыстырғанда айтарлықтай төмендеді. Эпидемиялық аймақтар: Африка, Америка және Еуропа.
"Бүгінгі күні Қазақстанда маймыл шешегіне күдікті бірде-бір жағдай тіркелген жоқ",- деп хабарлады КСЭК.
Осы инфекцияны ел аумағына әкелуге жол бермеу бойынша профилактикалық шаралар қабылданды.
Маймыл шешегін қалай жұқтырмауға болады:
- ауырған адамдарға және инфекция жұқтырған жануарларға (вирустық тасымалдаушы болуы мүмкін: маймыл, егеуқұйрық, тиін және басқа да жабайы жануарлар) жақындамау;
- Қорғаныш құралдарын пайдалану. Жануарлармен жұмыс істеу кезінде, әсіресе зертханалық жағдайда немесе оларға күтім жасау кезінде қорғаныш киімдерін, қолғаптар мен маскаларды қолдану маңызды.
- Гигиенаны сақтау. Қолды сабынмен мұқият жуу және дизенфекциялық құралдарды қолдану инфекцияның таралу қаупін азайтуға көмектеседі.
- Бөртпе, дене қызуының жоғарлауы, бас ауруы және шаршау сияқты белгілер пайда болған кезде медициналық көмекке, дәрігерге жүгіну маңызды.
15 тамызда маймыл шешек ауруының жылдам таралуына байланысты әлемдік төтенше жағдай жарияланған болатын.
