Алматыда жүк көлігі жолаушылар автобусымен соқтығысты

Алматыда 18 қарашада жүк көлігі 45-ші бағытта қатынайтын жолаушылар автобусымен соқтығысты, зардап шеккендер жоқ. Бұл туралы Zakon.kz тілшісіне қалалық полиция департаменті хабарлады.

Жол-көлік оқиғасы Алатау ауданында сағат 17:00 шамасында болды.

Полицияның мәліметінше, жүк көлігінің жүргізушісі Үшқоңыр көшесімен батыс бағытта артқа қарай жылжып, Жанқожа батыр көшесімен солтүстікке қарай келе жатқан №45 бағытқа қатынайтын автобуспен соқтығысқан.

Оқиғаның мән-жайын анықтау үшін Алатау аудандық полиция басқармасының қызметкерлері тергеу шараларын қолға алғаны нақтыланады.