Ұшақ апаты кезінде зардап шеккен Әзербайжанның үш азаматы Ақтау әуежайына жеткізілді

Ақтауда Қазақстан ТЖМ құтқарушыларының қолдауымен ұшақ апатында зардап шеккен Әзербайжан Республикасының үш азаматы әуежайға жеткізілді, деп хабарлайды Zakon.kz.

ТЖМ көрші елдің төтеншеліктеріне қажетті көмекті қамтамасыз ете отырып, көлікті ілестіріп алып жүруді ұйымдастырды.

"Бұл жағдай - біздің елдеріміздің арасындағы тығыз ынтымақтастық пен достық қарым-қатынастың, сондай-ақ Қазақстанның әрқашан төтенше жағдайларда көмекке келуге дайындығының жарқын мысалы. Қазақстан ТЖМ адамдардың қауіпсіздігі мен амандығына бағытталған өзінің маңызды жұмысын жалғастыруда". ҚР ТЖМ баспасөз қызметі

Айта кетсек, 28 желтоқсанда ҚР Денсаулық сақтау министрлігі ұшақ апаты кезінде зардап шегіп, әлі Ақтаудағы ауруханада жатқан алты шетел азаматы, оның ішінде Әзербайжанның үш азаматының жағдайына қатысты толыққанды мәлімет ұсынған болатын. Сол кезде Әзербайжан Республикасының азаматтарын эвакуациялау мәселесі бойынша дәрігерлермен консилиум өткізу, олардың тасымалдау жағдайындағы жай-күйіне баға беру жоспарланып отырғаны да нақтыланған.