Еліміздің екі өңірінде бірнеше жол учаскесі жабылды

2025 жылғы 2 наурыз сағат 09:30-дағы жағдай бойынша екі облыстағы республикалық маңызы бар автомобиль жолдарында көлік қозғалысына шектеу қойылды, деп хабарлайды Zakon.kz.

"ҚазАвтоЖол" ұлттық компаниясы баспасөз қызметінің хабарлауынша, қазіргі таңда республикалық жолдарды күтіп-ұстауға 206 арнайы техника мен 376 маман жұмылдырылды.

Ақтөбе облысы:

• "РФ шекарасы - Мартөк - Ақтөбе - Қарабұтақ - Қызылорда - Шымкент - Тараз - Қордай - Алматы - Қорғас - ҚХР шекарасы" тас жолының 776-1240 шақырым аралығы (Ақтөбе қаласы - Қызылорда облысының шекарасы).
• "Ақтөбе-Қандыағаш-Доссор-Атырау-РФ шекарасы" тас жолының 14-104 шақырым аралығындағы учаскеcінде (Ақтөбе қаласы - Қандыағаш қаласы);

Қызылорда облысы:

"РФ шекарасы - Мартөк - Ақтөбе - Қарабұтақ - Қызылорда - Шымкент - Тараз - Қордай - Алматы - Қорғас - ҚХР шекарасы" тас жолының 1240-1362 шақырым аралығы (Ақтөбе облысының шекарасы - Арал қаласы).

Жолды 2025 жылғы 2 наурызда сағат 13:00-де ашу жоспарланған. 

Бұған дейін синоптиктер 2 наурызда кей өңірлерде қалың қар жауып, 22 градусқа дейін аяз болатынын ескерткен.