Алматыда жол апатынан электровелосипед мінген ер адам көз жұмды
Сурет: Zakon.kz
Куәгерлердің айтуынша, ер адам көшеде батыс бағытта қозғалып келе жатқан. Сол кезде қосылатын жолдан "Жол бер" белгісін елемеген Nissan Terrano жүргізушісі шығып, соқтығыс орын алған.
Сурет: Zakon.kz
Қатты соққы салдарынан жәбірленуші алдымен көліктің капотына, кейін алдыңғы әйнегіне, одан соң тағы бірнеше метрге ұшып кеткен.
Сурет: Zakon.kz
Куәгерлер жедел жәрдем шақырған. Дәрігерлер келген соң ер адамды ауыр жарақаттармен ауруханаға жеткізді. Алайда кейінірек оның қайтыс болғаны белгілі болды.
Сурет: Zakon.kz
Оқиға орнында жол-патрульдік полиция қызметкерлері жұмыс жүргізіп жатыр. Қазір оқиғаның барлық мән-жайы анықталуда.
Сурет: Zakon.kz
Zakon.kz тілшісі бұл жайтқа байланысты пікір алу үшін қалалық Полиция департаментінің баспасөз қызметіне сауал жолдады.
Бұған дейін Астанада қоқыс шығару тарифі тағы қымбаттауы мүмкін екенін жазғанбыз.
