Алматыда ер адам баласын ауруханаға тастап, қашып кеткен
Сурет: pixabay
№2 балалар ауруханасында екі жасар бала қараусыз қалған. Ол қыркүйектен бастап сонда екен, ал ата-анасы оны алып кетуге келмеген. Бұл туралы маған сол арада жұмыс істейтін досым айтты. Клиниканың адвокаты бұл мәселемен әлі айналыспаған. Осы жайтты қозғап, ең құрымағанда, баланың үйіне оралуына түрткі болсақ деймін. Instagram-дағы @zhaloby.almaty тобын қолданушы
22 қыркүйекте Саин және Райымбек көшелерінің қиылысында полицейлер қолында баласы бар ер адамды тауып, Әуезов аудандық полиция басқармасына апарғаны анықталды.
Ер адам өзін баланың әкесі ретінде таныстырған, бірақ қолында оны растайтын құжаттары болмапты. Ол Жамбыл облысы, Меркі ауылынан келгенін айтқан. Баланың анасы әке мен баланы тастап, кетіп қалған. Ал қолында баласы әкенің қалада барар жері болмапты. Ол балада құжат мүлде жоқ екенін айтқан. Өйткені шешесі баласына құжат жасатпапты. Алматы қаласы ПД жергілікті полиция қызметі басқармасы Ювеналды полиция бөлімінің бастығы Жанна Шонжанова
Баланы №2 қалалық клиникалық балалар ауруханасына тексеру және емдеу үшін жатқызған. Сонымен бірге, өзін әкесі деп таныстырған адам бала ауруханада болған кезде оның барлық қажетті құжаттарын рәсімдеуге уәде берген. Алайда, ол із-түссіз жоғалып кетті. Полиция ер адамды кезіктерген ауданға бірнеше рет барып, оны таба алмады.
Анасы мен әкесін ата-ана құқығынан айыру мүмкін емес, өйткені баланың туу туралы куәлігі жоқ. Баланың нақты ата-анасы іздесітіріліп жатыр.
Алматы полиция департаменті бастығының тергеу жұмысы жөніндегі орынбасары Рустам Әбдірахмановтың айтуынша, көп ұзамай Әуезов ауданының қорғаншылық органы туу туралы куәлікті рәсімдеу мәселесін өз бетінше шешеді. Содан кейін баланы мамандандырылған балалар үйіне ауыстырады.
