Жүк салғыштағы қолы-аяғы матаулы адам. Елордада пранк жасағандар ұсталды

Сурет: Zakon.kz

21 сәуірде сағат 19: 28-де "102" шұғыл байланыс желісіне Сейфуллин-Уәлиханов көшелерінің қиылысында "Аймақтау" сауда үйі маңында көліктің жүк салғышында аяқ-қолы матаулы жігіт бар екендігі туралы қоңырау келіп түсті, деп хабарлайды Zakon.kz.

Оқиға орнына полиция жасағы жіберілді. Оқиғаның барлық қатысушылары анықталып, ұсталды. Олар 19-22 жас аралығындағы жастар болып шықты.

Жігіттердің "әлеуметтік эксперимент" жүргізгені белгілі болды.

"Байқоңыр" ауданының полиция басқармасының қызметкерлері құқық бұзушыларды ҚР ӘҚБтК-нің 434-бабы, яғни "Ұсақ бұзақылық" бойынша әкімшілік жауапкершілікке тартты, материалдар түпкілікті шешім қабылдау үшін әкімшілік сотқа жолданды. Нұр-Сұлтан қаласы ПД баспасөз қызметі

Полиция департаменті қоғамдық тәртіпті бұзатын және айналадағыларға құрмет танытпау түріндегі заңсыз әрекеттерге барғаны үшін жауапкершілік қарастырылғанын еске салады.

Оқи отырыңыз