Алматыда жол ережесін бұзған 476 жаяу жүргінші жауапкершілікке тартылды
Cурет: Алматы Полиция департаментінің баспасөз қызметі
Бұл мәліметті жергілікті полиция қызметі «Жаяу жүргінші» іс-шарасының бес күндік қорытындысы бойынша келтіріп отыр. Рейд барысында жол-көлік оқиғаларының алдын алу мақсатында азаматтарға жол жүру ережесі түсіндіріліп, оны мүлтіксіз сақтау бойынша ұсыныс берілді, деп хабарлайды Zakon.kz.
Жол-көлік оқиғаларын азайту және жол қауіпсіздігін қамтамасыз ету мақсатында 18 сәуір мен 23 сәуір аралығында қала аумағында жүргізушілер мен жаяу жүргіншілер арасындағы құқық бұзушылықтарды анықтауға бағытталған «Жаяу жүргінші» жедел-алдын алу іс-шарасы жүргізілді.
ЖАІ (жедел-алдын алу іс-шарасы) басталғалы бері 615-бап (жаяу жүргіншілер мен жол қозғалысына басқа да қатысушылардың жол қозғалысы ережелерін бұзуы) бойынша 476 адам әкімшілік жауапкершілікке тартылды, – деді Алматы қалалық ПД Жергілікті полиция қызметі басқармасының бастығы, полиция полковнигі Манап Саттаров.
Сонымен қатар Жергілікті полиция қызметі өткен тәулікте Абай даңғылында самокат тізгіндеген адамдардың жол қозғалысы ережесін бұзуының алдын алу бойынша жұмыс жүргізілгенін хабарлады.
Рейд барысында жол-көлік оқиғаларының алдын алу мақсатында азаматтарға жол жүру ережесі түсіндіріліп, оларды мүлтіксіз сақтау бойынша ұсыныстар берілді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
