Павлодар облысы полиция департаменті басшысының жаңа орынбасары тағайындалды

Павлодар облысының полиция департаменті бастығының жаңа орынбасары болып Рүстем Тұңғышбаев тағайындалды, деп хабарлайды Zakon.kz.

Қазақстан Республикасы Ішкі істер министрінің бұйрығымен Рүстем Кәрібайұлы Тұңғышбаев Павлодар облысының полиция департаменті бастығының орынбасары қызметіне тағайындалды. Павлодар облысы полиция департаментінің баспасөз қызметі

Ол бұған дейін Қазақстан Республикасы Ішкі істер министрлігі Есірткі қылмысына қарсы күрес департаменті Есірткі құралдарының, психотроптық заттардың, олардың аналогтары мен прекурсорларының заңсыз айналымына қарсы күрес басқармасының бастығы қызметін атқарған.