Түрмедегі оқу. Астанада 150-ден астам жазасын өтеуші кәсіптік білім алуда
Сурет: Астана қаласы бойынша ҚАЖД баспасөз қызметі
Бір сөзбен айтқанда, сотталғандар мекемеде жұмыс істей алатын мамандық алады, сонымен бірге ол босап шыққан соң еңбек нарығында сұранысқа ие кәсіппен қамтамасыз етіледі.
Кәсіптік білім беру мекемелердің аумағында жұмыс істейтін кәсіптік колледждерде жүзеге асырылады. Мәселен, Астана қаласының қылмыстық-атқару жүйесі департаментінің екі мекемесінде де колледж филиалдары орналасқан. Аталған оқу орындарына 2022-2023 оқу жылына сотталғандар қатарынан 150-ден астам тыңдаушы қабылданды. Астана қаласы бойынша ҚАЖД баспасөз қызметі
Мысалы, Аршалы кентінің №2 мекемесінде Аршалы кентінің агротехникалық колледжінің филиалы жұмыс істейді. Аталған оқу орнына 2022-2023 оқу жылына сотталғандар ішінен 100-ге жуық тыңдаушыны келесі мамандықтар бойынша қабылдау жүзеге асырылды: шебер – құрылысшы, электргазбен дәнекерлеуші, тұрғын үй-коммуналдық шаруашылықтың инженерлік объектілеріне қызмет көрсету шебері (тұрмыстағы сантехник), ағаш ұстасы, тігінші.
Көріп отырғанымыздай, жоғарыда аталған мамандықтар еңбек нарығында үлкен сұранысқа ие. Мекемелердің әкімшілігі, колледждердің оқытушылары мен өндірістік оқыту шеберлері мамандығы жоқ сотталғандардың көп санын кәсіптік біліммен қамтамасыз ету бойынша бірлескен жұмыс жүргізеді. Оқу курсын бітірген және бітіру емтихандарын тапсырған сотталғандарға мемлекеттік үлгідегі құжаттар тапсырылады. Білімі туралы құжаттар сотталғандардың жеке істерінде сақталады және оларға мекемелерден босатылған кезде қолдарына беріледі. Астана қаласы бойынша ҚАЖД баспасөз қызметі
Оқу процесі, әрине, сотталушыға тәрбиелік әсер етеді.
Оқыту кезінде жауапкершілік, тәртіптілік және т. б. сияқты жағымды жеке қасиеттер дамуы керек.
Құзырлы ведомство талдауға сүйене отырып, сотталған студенттер жазаны өтеу режимін едәуір аз бұзатынын жеткізеді.
Кәсіптік оқыту әсер ету жүйесінде ерекше орын алады. Оқу кезінде сотталғандар кәсіби және арнайы білімді, дағдылар мен іскерліктерді ғана емес, әлеуметтік тәжірибені де меңгереді.
