Онлайн-альфонс зейнеттегі әйелге пәтерін саттырып, 36 млн теңгесін қағып алған

22 қыркүйекте Ақтөбе қаласының полиция басқармасына 65 жастағы әйел арызданды, деп хабарлайды Zakon.kz.

Тәртіп сақшыларының айтуынша, ол алаяқпен әлеуметтік желі арқылы танысқан. Ер адам өзін АҚШ азаматы ретінде таныстырып, жәбірленішуге сыйлық пен ақша жіберемін деп мекенжайы мен толық аты-жөнін сұраған. Ал сәлемдемені жіберу үшін кедендік БАЖ салығын төлеу керектігін айтып, есеп айырысу шотына ақша аударуды сұраған. Сонымен қатар, “күйеу жігіт” зейнетке шыққаннан кейін Қазақстанға көшемін деп сендірген.

Ақырында жәбірлеуші әйел пәтерін сатып, шоттағы 36 млн теңгеден астам қаражатты алаяққа аударып жіберген.

Аталған фактіге сәйкес, ҚР Қылмыстық кодекстің 190-бабы 4-бөлігі - "Алаяқтық" бойынша сотқа дейінгі тергеу басталды.