Алматыда жолаушылар автобусы қоршауды бұзып, жер үйге қойып кетті

Алматыда Рысқұлов даңғылынан жоғары Кудерин көшесімен келе жатқан № 141 қалалық автобус жеке үйге қойып кеткен, деп хабарлайды Zakon.kz.

Куәгерлердің айтуынша, рөлде отырған жүргізуші ұялы телефонға қарап отырған.

Сурет: Zakon.kz

Бір уақытта автобус тротуарға шығып, электр желісі бағанын соғып, содан кейін қоршауды бұзып, жер үйге "кіріп кеткен".

Сурет: Zakon.kz

Автобус жер үйдің ас бөлмесін қиратып, шатырын құлатқан.

Сурет: Zakon.kz

Оқыс оқиға орын алған уақытта сырттан енді ғана оралған балалар ас бөлменің жанында болған. Бақытқа орай, олар зардап шеккен жоқ.

Сурет: Zakon.kz

Әкесі балаларды терезеден шығарып алып үлгерген, әйтпесе олар қирандыда қамалып қалар еді.

Сурет: Zakon.kz

Жеті жолаушының зардап шеккені туралы ақпарат бар. Автобус жүргізушісінің өзі де ауыр жарақат алды.

Сурет: Zakon.kz

Тергеу амалдары қолға алынды.