Желідегі көлік жүргізушілері төбелесінің видеосына қатысты полиция түсінік берді

Әлеуметтік желіде пайда болған Алматыдағы автокөлік пен автобус жүргізушілері арасындағы төбелестің видеосы полиция назарына ілікті, деп хабарлайды Zakon.kz.

Аталған дерек бойынша Әуезов аудандық ПБ-на қарасты полиция бөлімімен сотқа дейінгі тергеу амалдары жүргізіліп жатыр. Қылмыстық іс ҚР ҚК-нің 107-бабы 1-бөлігі бойынша тіркелді. Іс жүргізу аясында сот-медициналық сараптама тағайындалып, тиісті тергеу әрекеттері жүргізілетін болады. Қылмыстық іс бойынша іс-шаралар кешенінің нәтижелеріне сәйкес түпкілікті процессуалдық шешім қабылданатын болады, - дейді полициядағылар.