Талғарда мектептен 1000-нан аса адам эвакуацияланды

Алматы облысы, Талғар ауданындағы №3 орта мектепке бомба қойылғаны туралы келіп түскен ақпаратқа байланысты білім ордасынан 1000 оқушы, жүзге тарта оқытушы, 25 техникалық персонал эвакуацияланды, деп хабарлайды Zakon.kz.

Жарылғыш зат қойылғандығы туралы жалған хабарлама мектептің электронды поштасына сағат 15:00 келіп түсті, деп хабарлайды Алматы облысының полиция департаменті.

Оқиға орнына полиция қызметкерлері мен саперлар шұғыл аттанды.

Қазіргі уақытта саперлер ғимаратта жарылғыш заттардың бар-жоғын тексеру үшін арнайы операция жүргізуде, делінген хабарламада.

Ресми жергілікті билік аталған оқиғаға қатысты, әзірге пікір білдірген жоқ.

Эвакуациялау шараларының видеосы Kris_p_talgar парақшасында жарияланған болатын.