Үшарал – Достық тас жолында екі жүк көлігін қатты жел төңкере салған

Әлеуметтік желі, сурет - Zakon.kz жаңалық 03.12.2022 15:33

Сурет: видеодан алынды

Жетісу облысындағы желдің екпіні қатты болғаны сонша Үшарал – Достық тас жолында екі "фура" бір жанына қарай құлаған, деп хабарлайды Zakon.kz.

Жүргізушілер зардап шеккен жоқ, көліктер көтеріліп, өз жүрісін жалғастырды.

"Екі "фура" Үшарал - Достық тас жолының жүк және жолаушылар көлігінің қозғалысына шектеу енгізілген 60-120 шақырымы аралығындағы учаскеде аударылғанын хабарлаймыз. Екі жүргізуші де аман-сау. Автокөліктер көтеріліп, өз жүрісін жалғастырды". Жетісу облысы ПД баспасөз қызметі

Сондай-ақ департамент бұл учаскеде жиі қатты жел болатынын, сондықтан бұл маң жүк және жолаушылар көлігі үшін қауіпті екенін нақтылайды.

3 желтоқсанда Екатеринбург – Алматы тас жолының учаскесінде қозғалыс қайта қалпына келтіріліп, алдында енгізілген шектеу күшін жойды.