Батыс Қазақстан облысында екі жүк көлігі соқтығысып, жүргізуші көз жұмды

Оқиға 24 желтоқсан күні сағат 18:00 уақыт шамасында Самара-Шымкент тас жолындағы Қаратөбе ауданының Қоскөл ауылы тұсында болған, деп хабарлайды Zakon.kz.

Polisia.kz хабарына қарағанда, 44 жастағы жүргізуші "Вольво" маркалы жүк көлігін басқара отырып рөлге ие бола алмай қарама-қарсы бағыттағы 39 жастағы Қырғызстан Республикасының азаматының басқаруындағы DAV маркалы жүк көлігімен соқтығысты.

Сурет: polisia.kz

Жол апаты салдарынан 44 жастағы "Вольво" маркалы жүк көлігінің жүргізушісі оқиға орнында көз жұмды, - делінген хабарламада.

Cурет: polisia.kz

Сонымен бірге оның 24 жастағы жолаушысы түрлі дене жарақатымен аурухана жеткізілді. Аталған факті бойынша ҚР ҚК 345-бабы 3-бөлігі (Жол қозғалысы ережелерін бұзу) бойынша сотқа дейінгі тергеу амалдары жүргізіліп жатыр.

Сурет: polisia.kz