Маңғыстау облысында ер адамнан ақша бопсалаған күдікті ұсталды

Маңғыстау облысының тұрғыны өзін қорқыту арқылы ақша талап етіп, бопсалаған азаматтың үстінен полицияға шағым түсірді. Жәбірленушіден 1 600 000 теңге көлемінде қаражат талап етілген, деп хабарлайды Zakon.kz.

Криминалдық полиция қызметкерлері жүргізген жедел-іздестіру шараларының нәтижесінде 30 жастағы күдіктінің жеке басы анықталып, ұсталды. Тінту жүргізу барысында күдіктінің заңсыз әрекеттерін растайтын 200 000 теңге ақшалай қаражат тәркіленіп алынды.

Аталған дерек ҚР ҚК 194-бабы 1-бөлігімен СДТБТ-де тіркелді. Өзге мәліметтер тергеу мүддесіне сай жария етілмейді. Маңғыстау облысы ПД баспасөз қызметі