Ақтөбеде алкомаркеттің алдында болған төбелестің видеосы тарады

Ақтөбедегі алкомаркеттердің бірінің жанында төбелес болды, деп хабарлайды Zakon.kz.

Ақтөбе полиция департаменті таратқан мәлімет бойынша, 7 қаңтарда Тургенев көшесінде алкомаркеттердің бірінің жанында төбелес болды. Жәбірленуші мен күдіктінің арасында жанжал туған. Жас жігіт жәбірленушіні жарақаттаған.

Полицейлердің мәлімдеуінше, күдікті полицейлерден қашуға тырысқанымен, құтыла алмады. Бейнебақылау камераларының көмегімен 22 жастағы ақтөбелік ұсталды.

Қазір бұл факті бойынша ҚР ҚК-нің 107-бабы 1-бөлігімен ("Денсаулыққа қасақана ауырлығы орташа зиян келтіру") сотқа дейінгі тергеу жүріп жатыр.