Кісі жалдап, пәтерін тазалатпақ болған елорда тұрғыны опық жеп қалды
Сурет: Zakon.kz
Астанада полиция қызметкерлері алтын бұйымдарды ұрлады деген күдікпен 39 жастағы әйел адамды анықтады. Белгілі болғандай, қаскүнем "үй қызметкері" болып жұмысқа орналасқан, деп хабарлайды Zakon.kz.
Ол киім ауыстыратын бөлмені жинастырып жүрген уақытта алтын бұйымдарды байқап, оны жымқырған. Ұрлық жасалған сәтте үйде адамдар болған. Жұмыс беруші полицияға хабарласқан. Келтірілген шығын көлемі 1 миллион теңгеге бағаланып отыр.
"Полицейлер ұрланған заттардың барлығын тапты. Анықталғандай, ұры оларды ломбардқа тапсырған, алтын бұйымдар сол жерден тәркіленді. Қылмыстық жолмен саналы түрде алынған мүлікті иемдену немесе сату қылмыстық жауапкершілікке тартылатынын естеріңізге саламыз". Есіл аудандық ПБ бөлім бастығы Сәкен Алауханов
Аталған факті бойынша сотқа дейінгі тергеп-тексеру амалдары жүргізілуде.
Әйел адам кінәсін мойындап, оның елордада жасалған осыған ұқсас қылмыстарға қатыстылығы бойынша тергеу жүргізіліп жатыр.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
