Көкшетау тұрғыны көпқабатты үйді жарып жібермек болған
Сурет: pixabay
Көкшетауда 25 жастағы жігіт көпқабатты үйді жарып жібермекші болды. Қолына пышақ ұстаған күдікті пәтеріндегі газ баллонының шлангісін кесіп тастаған, деп хабарлайды Zakon.kz.
Тұрғындардың бірі мұны дереу полицияға хабарлаған. Ол тәртіп сақшыларын көріп қалып, үшінші қабаттағы пәтерін ішінен жауып, газ баллонын жарамын деп айғайлаған, тіпті баллонның шлангісін кесіп, ауаға газ тараған. Осыдан кейін көпқабатты үйдің тұрғындарын тегіс сыртқа шығаруға тура келген. Бұл туралы КТК телеарнасы хабарлады.
Ал тұрғынды сөзге көндіре алмаған полиция балконнан пәтеріне кіріп, күдіктіні ұстады. Қазір іс қозғалып, тергеу жүргізіліп жатыр.
"Полиция қызметкерлері өрт сөндіру қызметінің баспалдағы мен балконға көтеріліп пәтерге кірді. Ол сонда да пышағымен айбат шеккен. 1997 жылғы азамат наркология диспансеріне жеткізіліп, сараптама тағайындалды. Қорқыту бабы бойынша сотқа дейінгі тергеу басталды".Ақмола облысы полиция департаменті баспасөз қызметінің жетекшісі Гүлнәр Пинчук
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
