Павлодарлық жігіт "пәтер алып беремін" деп, әпкелерінен 7 млн теңге қағып алған
Сурет: Zakon.kz/Максим Золотухин
Павлодарлық жас "кезектен тыс пәтер алып бере аламын" деп туыстарын алдап, олардың 7 млн теңгесін иеленген, деп хабарлайды Zakon.kz.
2022 жылдың қаңтар айында туысымен сөйлескен 27 жастағы павлодарлық "әкімдік арқылы тұрғын үй мәселесін шеше алатынын", кезектен тыс баспана сатып алуға көмектесе алатынын айтқан. Туысқан әпкелері ақшаны депозиттерінен шешіп алып, жетпеген соманы қарызға алған. Оған қоса алтын бұйымдарын да ломбардқа өткізген.
"Олардың бірі күдіктіге 2,5 млн теңге, екіншісі 4,5 млн теңге берген. Ақшаны алғаннан кейін, ер адам уақытты соза түсу үшін әртүрлі сылтаулар ойлап таба бастайды. 6 айдан кейін ол туысының біріне 250 мың теңге қайтарып береді. Қалған ақшаны ол өз қажеттіліктеріне жұмсаған".
Біраз уақыттан кейін туыстары алаяқтың құрбаны болғанын түсініп, полицияға жүгінді.
ҚР ҚК 190-бабы “Алаяқтық” бойынша сотқа дейінгі тергеу жүргізіліп жатыр. Күдіктіге қатысты бұлтартпау шарасы қолданылды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
