Көкшетауда жоғалып кеткен жасөспірім қыз Ақкөл қаласынан табылды

Іздеу, сурет - Zakon.kz жаңалық 15.02.2023 18:58

Сурет: pexels

13 жасар қыз облыстық балалар ауруханасынан кешкісін өз бетімен шығып кетіп, содан ұшты-күйлі жоғалған. Ол Көкшетаудан 200 шақырым жерде - елорда маңындағы Ақкөл қаласынан табылды, деп хабарлайды Zakon.kz.

Қыз елорда маңындағы ауданға Indriver-мен жеткен. Учаскелік инспекторлар қызметтік автокөлікпен жүріп келе жатқанда өздерін көріп, жақын маңдағы дүкенге жүгіріп кеткен қызды байқайды. Жасөспірімнің бұл әрекеті тәртіп сақшыларына күдікті болып көрінеді. Қыздың қасына барған олар оның іздеуде жүрген Э.Р.Аяшева екенін біледі.

"Қыздың айтуынша, ол Ақкөлге 14 ақпанда келіп, досының үйінде түнеген. 2022 жылдың желтоқсанында қыздың әке-шешесі ата-ана құқықтарынан айырылып, ол "Сандықтау ауылының өмірлік қиын жағдайдағы балаларды қолдау облыстық орталығы" КММ-ге орналастырылған". Ақмола облысы ПД

Қазір қыз бала Ақкөл қаласындағы осыған ұқсас мекемеге орналастырылды.

Оқи отырыңыз