Талдықорғанда екі жыл бұрын ғана босап шыққан тұрғын көлік ұрлап, қайта қамалды
Cурет: видео скрині
Талдықорғанда көлікті айдап кеткен күдіктінің бірнеше ұрлыққа қатысы бар болып шықты, деп хабарлайды Zakon.kz.
2023 жылғы 16 ақпанда полиция қызметкерлерінің алдынан шыққан Audi-80 автокөлігі күдікті болып көрінген.
Жүргізуші полиция қызметкерлерінің тоқтату талабын елемей, керісінше жасырынуға тырысып, қаша бастаған. Алайда ер адам ұсталды.
Ол бұрын сотталған 27 жастағы жергілікті тұрғын болып шықты. Көлікте аккумулятор болмаған соң жақын жерде тұрған Volkswagen көлігінің аккумуляторын ұрлап кеткен.
Тергеу барысында ұсталған азаматтың облыс орталығындағы асханалар мен дүкендердің бірінің кассасынан бірнеше рет ақша ұрлағаны белгілі болған. Ол бұған дейін топтасып зорлағаны үшін қылмыстық жауапкершілікке тартылып, 2021 жылы түрмеден босатылған. Polisia.kz
ҚР Қылмыстық кодексінің 200-бабы "Айдап кету" және 188-бабы "Ұрлық" бойынша тергеу амалдары жүргізіліп жатыр. Күдікті уақытша ұстау изоляторына қамалды.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
