Талдықорғандағы жол апатынан төрт адам зардап шекті

24 ақпанда Талдықорғаннан шыға берісте Алматы – Өскемен автожолының 273-шақырымында жол апаты болып, төрт адам зардап шекті, деп хабарлайды Zakon.kz.

УАЗ Patriot мінген 69 жастағы жүргізуші "жол беріңіз" белгіні елемей, JAC жүк көлігімен соқтығысқан.

Жол талғамайтын көліктің салонында бес адам болды, олардың төртеуі түрлі жарақат алып, ауруханаға жатқызылған.

Сурет: polisia.kz

"Жол апатын тергеу ҚР Қылмыстық кодексінің 345-бабы бойынша жүргізіліп жатыр. Автокөлік арнайы автотұраққа қойылды. Іс жүзінде қажетті сараптамалар тағайындалды". Polisia.kz