Алматылық оқушылар футболдан кейін жаппай төбелескен

Алматыда футбол матчынан кейін мектеп оқушылары арасында жаппай төбелес болды, деп хабарлайды Zakon.kz.

Видео Egov.press telegram-каналында жарияланды.

Алматы полиция департаменті бұл факт бойынша Бостандық ауданының полиция басқармасы тергеу жүргізіп жатқанын хабарлады.

"Төбелеске қатысушылар іс жүргізу үшін полиция басқармасына жеткізілді. Олардың іс-әрекеттеріне құқықтық баға беріледі".Алматы полиция департаментінің баспасөз қызметі

Сонымен қатар полицияға істің мән-жайын анықтау үшін мектеп оқушылары арасында футболдан турнирді ұйымдастырғандар да шақырылған.