Сайлау учаскесіне мас күйінде келудің 4 фактісі тіркелді – ҚР ІІМ
![Құқықбұзушылық, сурет - Zakon.kz жаңалық 19.03.2023 20:59](https://kaz.zakon.kz/pbi/WEBP/2023-12-20/file-c9a5b2c9-3e07-4919-8ce9-2d21359bbc40/800x450.webp)
ҚР ІІМ Әкімшілік полиция комитетінің төрағасы Қайсар Сұлтанбаев Qazaqstan телеарнасындағы онлайн телемарафон кезінде сайлау учаскесінде орын алған құқықбұзушылық фактілеріне тоқталды, деп хабарлайды Zakon.kz.
Оның айтуынша, сағат 20-10-дағы жағдай бойынша сайлау учаскелерінен адамды күштеп шығару фактісі 32-ге жеткен.
"Жалпы, қазіргі уақытта елдегі және сайлау учаскелеріндегі ахуал тұрақты. Комиссия төрағаларының актілері бойынша, дер уақытында шешімін тапқан елеусіз оқиғалар орын алуда. Сайлау учаскелерінен барлығы 32 азамат шығарылды. Оған, негізінен себеп – сайлау комиссияларының жұмысына кедергі жасау, учаскеде бейнетүсірілім жүргізу, комиссия мүшелеріне дөрекі мінез-құлық көрсету". Қайсар Сұлтанбаев
Сұлтанбаевтың мәліметінше, Алматы, Жетісу және Шығыс Қазақстан облыстарында бюллетеньдерді бүлдірудің үш дерегі тіркелген.
"Сайлау учаскесіне мас күйінде келіп, қоғамдық тәртіпті бұзудың 4 фактісі орын алды. Олар Алматы, Шығыс Қазақстан, Ұлытау облыстары бойынша. Құқық бұзушыларға қатысты Әкімшілік құқық бұзу кодексінің 444-бабы және 434-бабы бойынша әкімшілік хаттамалар толтырылды. Полиция қызметкерлері штаттық режимде өз қызметін жалғастыруда. 506 жабық сайлау учаскесінің 4 333-інде дауыс беру аяқталды". Қайсар Сұлтанбаев
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript