Ақорда Президенттің ертеңгі Жолдауына қалай дайындалып жатқандарын көрсетті

"Ертеңгі Жолдауға дайындық" деген тақырыпта Президенттің баспасөз қызметінің Telegram арнасында суреттер жарияланды, деп хабарлайды Zakon.kz.

Ақорданың мәліметінше, қазіргі уақытта Парламент ғимаратында протоколдық-ұйымдастырушылық жұмыстары аяқталып жатыр.

Айта кетсек, Қазақстан Президенті Қасым-Жомарт Тоқаев 16 наурызда ҚР Парламенті палаталарының бірлескен отырысында Қазақстан халқына Жолдау жариялайды.

Президенттің Жолдауында саяси реформалардың жаңа бағдарламасы және таяу уақытта жүзеге асырылуы тиіс бірқатар әлеуметтік-экономикалық шараларды іске асырудың мән-жайы қамтылған.

Президент Жолдауы сағат 11:00-ден бастап тікелей эфир арқылы республикалық телеарналардан көрсетіледі.

Сурет: Ақорда