Президент «Жошы хан» тарихи-мәдени кешеніне барды

Мемлекет басшысы Қасым-Жомарт Тоқаев Ұлытау облысындағы «Жошы хан» тарихи-мәдени кешеніне барды, деп хабарлайды Zakon.kz.

Мемлекет басшысы Ұлытау облысына жұмыс сапары аясында өңірдегі «Жошы хан» кесенесіне зиярат етті. Бұл туралы президенттің Telegram-дағы БОРТ N1 каналында хабарланды.

Еске сала кетейік, бүгін мемлекет басшысы Қасым-Жомарт Тоқаев жаңадан құрылған Ұлытау облысына жұмыс сапарымен барған еді. Қасым-Жомарт Тоқаевқа аймақ әкімі Ұлытау облысы мен Жезқазған қаласын дамыту жөніндегі жоспарын таныстырады.

Түстен кейін Президент Жошы хан тарихи-мәдени кешеніне барып, Ұлттық құрылтайдың алғашқы отырысына қатысады, – деп хабарланды Ақорда сайтында.