Президенттің 21-24 маусымға арналған іс-шаралар жоспары жарияланды

Мемлекет басшысы Қасым-Жомарт Тоқаевтың осы аптадағы жұмыс жоспары туралы Telegram-дағы БОРТ N1 каналы бөлісті. Осы аптада президент Қазақстан шахмат федерациясының өкілдерімен кездеседі, деп хабарлайды Zakon.kz.

Осы аптада Президенттің қатысуымен өтетін іс-шаралар:

21 маусымда Мемлекет басшысы Ақордада Қазақстан шахмат федерациясының өкілдерімен және отандық танымал шахматистермен кездеседі.

23 маусымда Қасым-Жомарт Тоқаев Қазақстан полициясының 30 жылдығына арналған салтанатты іс-шараға қатысады.

24 маусымда Президент Қасым-Жомарт Тоқаев ҚХР Төрағасы Си Цзиньпиннің шақыруымен Жаһандық даму жөніндегі жоғары деңгейдегі «БРИКС+» диалогының саммитінде бейнебайланыс арқылы сөз сөйлейді.