Тоқаевты «Ыстықкөл» әуежайынан шығарып салу сәтінің видеосы жарияланды

ҚР Президенті Қасым-Жомарт Тоқаевты «Ыстықкөл» әуежайынан шығарып салу сәтінің видеосы жарияланды, деп хабарлайды Zakon.kz.

20 шілдеде Қасым-Жомарт Тоқаев 21 шілдеге белгіленген Орталық Азия мемлекеттері басшыларының IV консультативтік кездесуіне қатысу үшін Шолпан-Атаға барды.

Кездесуге Қазақстан Президенті Қасым-Жомарт Тоқаев, Қырғызстан Президенті Садыр Жапаров, Тәжікстан Президенті Эмомали Рахмон, Түрікменстан Президенті Сердар Бердімұхамедов, Өзбекстан Президенті Шавкат Мирзиёев қатысты.

Мемлекеттер басшылары өңірлік қауіпсіздіктің сын-қатерлеріне бірлесіп ден қою бойынша Орталық Азия елдерінің өзара іс-қимылын нығайту туралы пікір алмасты, өңір мемлекеттерінің орнықты экономикалық өсуін қамтамасыз ету мақсатындағы ынтымақтастықты кеңейту перспективаларын, сондай-ақ Орталық Азия мемлекеттерінің мәдени-гуманитарлық өзара іс-қимылын одан әрі нығайту жайын талқылады.

Сондай-ақ, кездесу қорытындысы бойынша ОА елдерінің басшылары бірқатар құжаттарға қол қойды.