Тоқаев Ислам ынтымақтастығы ұйымының қызметін жоғары бағалады
![Кездесу, сурет - Zakon.kz жаңалық 24.07.2022 17:46](https://kaz.zakon.kz/pbi/WEBP/2023-12-20/file-e5823aba-1120-4d43-9a47-f5fa812e3579/800x451.webp)
Ақорданың хабарлауынша, кездесу барысында Қазақстан Президенті мен ИЫҰ-ның Бас хатшысы аймақтық және халықаралық күн тәртібіндегі өзекті мәселелер туралы, сондай-ақ Қазақстан мен Ислам ынтымақтастығы ұйымы арасындағы ықпалдастықты одан әрі тереңдетудің перспективалары жөнінде пікір алмасты.
Қасым-Жомарт Тоқаев ИЫҰ-ның саяси, әлеуметтік-экономикалық, экологиялық және гуманитарлық салаларда байланыстар орнатуға ықпал ететін инклюзивті платформа ретіндегі жұмысын жоғары бағалады.
![Ресми сапар, сурет - Zakon.kz жаңалық 24.07.2022 17:46](https://kaz.zakon.kz/pbi/WEBP/2023-12-20/file-0d92002a-2de8-434c-921c-5788dfc94044/800x451.webp)
Сурет: akorda.kz
Мемлекет басшысы Ислам ынтымақтастығы ұйымымен арадағы іс-қимылдар туралы айта келе, Қазақстанның Ұйым аясында мұсылман елдерімен ынтымақтастықты одан әрі кеңейтуге бейілді екенін нақтылады.
Кездесу соңында Президент Қасым-Жомарт Тоқаев Хиссейн Брахим Таханы Әлемдік және дәстүрлі діндер көшбасшыларының VII съезіне қатысуға шақырды. Бұл форум биыл күзде Қазақстан астанасында өтеді.