Тоқаев Си Цзиньпинді "Алтын Қыран" орденімен марапаттады

Президент екі ел арасындағы екіжақты саяси, экономикалық және мәдени байланыстарды нығайтуға және дамытуға қосқан ерекше үлесі үшін ҚХР Төрағасы Си Цзиньпинді еліміздің ең жоғары мемлекеттік наградасы – "Алтын Қыран" орденімен марапаттады, деп хабарлайды Zakon.kz Ақордаға сілтеме жасап.

Қасым-Жомарт Тоқаев ҚХР Төрағасы Си Цзиньпинмен кездесті. Ол Қытай Төрағасына шақыруын қабыл алып, елімізге мемлекеттік сапармен келгеніне ризашылығын білдірді.

24 тамызда Қазақстан президенті Қасым-Жомарт Тоқаев Әзербайжан президенті Ильхам Әлиевті "Алтын Қыран" орденімен марапаттаған еді.

29 маусымда Қасым-Жомарт Тоқаев Гурбангулы Бердімұхамедовке "Алтын Қыран" орденін табыстады. Ал 24 шілдеде мемлекет басшысы Сауд Арабиясының королін осы орденмен марапаттады.

"Алтын Қыран" ордені – Қазақстан Республикасының жоғары мемлекеттік наградасы. Ол азаматтарға Қазақстан Республикасына айрықша мемлекеттік қызметтері үшін беріледі. "Алтын Қыран" орденімен марапаттауға үміткерлерді Қазақстан президенті айқындайды.