Тоқаевтың Өзбекстанға жасаған жұмыс сапарының қорытынды видеосы жарияланды

Желіде Қасым-Жомарт Тоқаевтың ШЫҰ саммитіне қатысу үшін Самарқанд қаласына жасаған жұмыс сапары туралы қорытынды видео жарияланды, деп хабарлайды Zakon.kz.

Роликті жұмада, 16 қыркүйекте Ақорда жариялады.

Мемлекет басшысы Қасым-Жомарт Тоқаевтың Самарқандқа жұмыс сапары аяқталды.

Мемлекет басшысын әуежайдан Өзбекстанның Премьер-министрі Абдолла Арипов шығарып салды.

Бұған дейін хабарланғандай, Самарқандта Қасым-Жомарт Тоқаев Пәкістан Премьер-министрі Шахбаз Шарифпен

және Иран президенті Ибрахим Раисимен кездесулер өткізген болатын.

15 қыркүйекте Қасым-Жомарт Тоқаев Шанхай ынтымақтастық ұйымына мүше мемлекеттер басшылары кеңесінің саммитіне қатысу үшін жұмыс сапарымен Самарқанд қаласына барды. Осы күні Қасым-Жомарт Тоқаевты "Silk road" туристік орталығында Өзбекстан Президенті Шавкат Мирзиёев қарсы алып, ол арада Қазақстан Президенті Шанхай ынтымақтастық ұйымына мүше-мемлекет басшыларымен бірге ағаш отырғызды, Самарқандтағы "Мәңгілік қала" кешенінде болды, бейресми әңгіме жүргізді.

16 қыркүйекте Қазақстан Президенті шағын құрамдағы ШЫҰ-ға мүше мемлекеттер басшылары кеңесінің отырысына қатысты. Отырыс қорытындысы бойынша Самарқанд декларациясы қабылданды.