Президент: Сайлау жарияланған соң кибершабуылдар күшейді

Сайлау жарияланғаннан кейін түрлі жалған деректер, ақпарат, яғни фейктер таратылып, кибершабуылдар күшейді. Президент "бұл жайдан жай емес" деп есептейді.

Кейбір күштер шетелден осындай әрекеттерді ұйымдастырып, ел ішіне іріткі салуды көздейді. Олар Қазақстанда оң өзгерістерге кедергі жасағысы келеді. Бірақ біз бағытымыздан таймаймыз, – деді президент Абай облысының халқымен кездесуінде.

Әрбір саясаткер, қоғам қайраткері, журналист, блогер немесе жалпы азаматтар сөзі мен әрекетінің жауапкершілігін сезінуге тиіс. Мемлекет басшысы "қазір әр ісіміз мемлекет мүддесіне сай болуы қажет" екенін баса айтты.

Өкінішке қарай, ашығын айту керек, шетелде біздің жетістіктерімізді көре алмайтын адамдар аз емес. Олар, тіпті, біздің елімізге ақпараттық шабуыл да ұйымдастырады. Оның бәрін көріп отырмыз. Міне, біз елге қатер төндіретін осындай теріс үрдістердің де бар екенін ұмытпауымыз керек.Қасым-Жомарт Тоқаев

Cөз соңында президент осындай жағдайда бүкіл ұлт болып ұйысып, бірігуге шақырды.

Оқи отырыңыз

Тоқаев Шыңжаң-Ұйғыр автономиялық ауданы ҚКП партия комитетінің хатшысымен кездесті

15:01, 27 наурыз 2023

Мемлекет басшысы аралас жекпе жек шебері Шавкат Рахмоновты қабылдады

11:19, 27 наурыз 2023

26-27 сәуірде Қазақстан халқы Ассамблеясының XXХІI сессиясы өтеді

09:04, 27 наурыз 2023