Оппозиция кандидаты сайлау комиссиясына құжаттарын тапсырды

Қазақстанның Жалпыұлттық социал-демократиялық партиясынан кандидат Нұрлан Әуесбаев тіркеу үшін Қазақстан Республикасының Орталық сайлау комиссиясына құжаттарын тапсырды, деп хабарлайды Zakon.kz.

Орталық сайлау комиссиясы Нұрлан Әуесбаевтың құжаттарын қабылдады. Құжаттар 2-3 күн бойы тексеріледі.

Оппозицияның президенттікке кандидатты ұсынғаны 1 қазанда белгілі болды. Одан кейін ЖСДП-ның кезектен тыс съезінде партия мүшелерінің алдағы сайлауға Нұрлан Әуесбаевтың кандидатурасын қолдағаны хабарланды.

Қазақстанда кезектен тыс президент сайлауы 20 қарашаға белгіленген.

23 қыркүйекте Қазақстанда президенттікке кандидаттарды ұсыну басталды.