Қасым-Жомарт Тоқаев судьяларға қатысты кадрлық өзгеріс жасады
![Судьялар туралы қаулыға қол қойды, сурет - Zakon.kz жаңалық 29.10.2022 14:07](https://kaz.zakon.kz/pbi/WEBP/2023-12-20/file-79de4ceb-5819-41a7-9557-dc75217847e4/800x451.webp)
Құжатқа сәйкес, Астана қаласы Мамандандырылған ауданаралық әкімшілік сотына Бекетов Марлен Мәлімгерейұлы, Ақтөбе қалалық сотына Омарова Марал Мырзахметқызы судья болып тағайындалды.
Сондай-ақ Мемлекет басшысы бірқатар судьяларды қызметінен босатты:
Қостанай облыстық сотының төрағасы Смолин Анатолий Сергеевичті отставкаға кетуіне байланысты;
Астана қаласы бойынша Кәмелетке толмағандардың істері жөніндегі мамандандырылған ауданаралық сотының судьясы Қабиденова Динара Хәкімқызын басқа жұмысқа ауысуына байланысты;
Астана қаласының Қылмыстық істер жөніндегі мамандандырылған ауданаралық сотының судьясы Әлқожаев Қыдырбек Қорғанбекұлын қайтыс болуына байланысты;
Алматы қаласы Бостандық ауданы № 2 аудандық сотының судьясы Сырлыбаев Қанат Қадырұлын Қазылар алқасының шешімі бойынша тәртіптік теріс қылық жасағаны үшін;
Қызылорда облысы Мамандандырылған ауданаралық экономикалық сотының судьясы Бекмәмбетов Ғалымжан Бақытұлын Қазылар алқасының шешімі бойынша тәртіптік теріс қылық жасағаны үшін.
Қаулы қол қойылған күнінен бастап қолданысқа енгізіледі.