Қасым-Жомарт Тоқаевты ұлықтау рәсіміне кім келеді

ҚР Сыртқы істер министрлігі президент Қасым-Жомарт Тоқаевты ұлықтау рәсіміне кімдер шақырылғанын айтты, деп хабарлайды Zakon.kz.

Президенттің инаугурациясы 26 қарашада өтеді.

"Оған қабылдаушы елде тіркелген дипломатиялық корпус, яғни елшілер шақырылады. 2019 жылы ұлықтау рәсімі кезінде де дәл осындай механизм болған".ҚР Сыртқы істер министрінің орынбасары Роман Василенко Мәжіліс алаңында

Қазақстанда кезектен тыс президент сайлауы 2022 жылдың 20 қарашасында өтті. Оған алты үміткер, оның ішінде қазіргі мемлекет басшысы Қасым-Жомарт Тоқаев қатысты.

ОСК мәліметінше, 8,3 миллион қазақстандық сайлау құқығын пайдаланған. Қазақстанда сайлаушылар тізіміне 11,9 миллионнан астам адам енгізілген.