Орталық Азия медиа форумының қатысушылары Тоқаевты Президент болып қайта сайлануымен құттықтады
![Орталық Азия медиа форумының қатысушылары Тоқаевты Президент болып қайта сайлануымен құттықтады, сурет - Zakon.kz жаңалық 20.12.2022 18:21](https://kaz.zakon.kz/pbi/WEBP/2023-12-20/file-62b311d1-b9c6-413f-8041-f970bead770b/800x450.webp)
Ақорданың хабарына қарағанда, мемлекет басшысы Орталық Азия медиа форумының қатысушыларымен кездесті Қасым-Жомарт Тоқаев Орталық Азия медиа форумының қатысушылары – Түркияның бұрынғы президенті Абдулла Гүлмен, Моңғолияның бұрынғы президенті Намбарын Энхбаярмен және Қырғыз Республикасының мемлекеттік хатшысы Суйунбек Касмамбетовпен кездесті.
Мәртебелі меймандар Қасым-Жомарт Тоқаевты Қазақстан Республикасы Президенті лауазымына қайта сайлануымен құттықтап, оның бастамасымен жүргізіліп жатқан реформалар мен саяси жаңғыруларға оң баға берді.
Кездесу барысында халықтарымыздың тарихи тамыры ортақ екеніне назар аударылды. Сондай-ақ олар мәдени-гуманитарлық және ғылыми салаларда бірлескен жобаларды іске асыру қажеттігі жөнінде пікір алмасты.