Тоқаев мәжіліс пен мәслихат депутаттығына үміткерлерді қоғамға іріткі салатын әрекеттен аулақ болуға шақырды
![ҚР Парламенті сенаты, мәжіліс депутаттарын сайлау, кандидат, сурет - Zakon.kz жаңалық 26.01.2023 11:09](https://kaz.zakon.kz/pbi/WEBP/2023-12-20/file-97ed4fcd-cc2b-4bc6-ae53-bd850bed58f2/800x450.webp)
Сенат отырысында мемлекет басшысы Қасым-Жомарт Тоқаев мәжіліс пен мәслихат депутаттығына үміткерлерді қоғамға іріткі салатын әрекеттен аулақ болуға шақырды, деп хабарлайды Zakon.kz тілшісі.
Қасым-Жомарт Тоқаев бірнеше аптадан кейін саяси науқан басталатыны еске салып өтті.
"Кандидаттар үгіт-насихат жұмысына кіріседі. Олар дауыс жинау үшін түрлі тәсілдерді қолданады. Бұл – қалыпты демократиялық үдеріс. Қазақстанда пікір алуандығына ешқандай шектеу қойылмайды. Заңға қайшы келмейтін барлық іс-әрекетке рұқсат беріледі".Қасым-Жомарт Тоқаев
Дегенмен ол үміткерлерге сайлау елді бөлетін емес, біріктіретін науқан болуы керек екенін ескертіп, осыны қаперде ұстауға шақырды.
"Тағы да айтқым келеді: үміткерлер қоғамға іріткі салатын әрекеттен аулақ болғаны жөн. Аңдамай айтылған артық сөз немесе ойланбай жасалған оқыс қадам бүкіл елдің болашағына кесірін тигізеді. Әрбір отандасымыз осыны дұрыс түсінуге тиіс".Қасым-Жомарт Тоқаев
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript