"Құлдыққа түсіп, қайыр тілеуге мәжбүрмін": Алматы облыстық полициясы желідегі видеоны тексерді
Сурет: видеодан алынды
Алматы облыстық ПД әлеуметтік желідегі өзін құлдықта ұстап, қайыр сұрауға мәжүрледі деген ер адамға қатысты видеоны тексеріп, ақпараттың рас-өтірігін анықтады, деп хабарлайды Zakon.kz.
Видеода бір аяғы жоқ балдақтағы адам белгісіз адамдар құжаттарын тартып алып, көшеде қайыр тілеуге мәжбүрлегенін айтады. Оның айтуынша, ол жертөледе тұрады, ал жинаған барлық қаражатты өзін құлдықта ұстайтын адамдарға береді.
Еңбекшіқазақ аудандық полиция басқармасының қызметкерлері мен прокуратура аталған факті бойынша арнайы тексеру жүргізді.
"Жүргізілген іс-шаралардың нәтижесінде видеода айтылған дәйектер расталмады. Тексеру жұмыстары кезінде 1991 жылы туған азаматтың айтқандарына дәлел табылмағаны белгілі болды. Іс бойынша тергеудің толыққандылығы мен жан-жақтылығын қамтамасыз етуге бағытталған тексеру шаралары жалғасуда", делінген хабарламада.
Ер адам көшедегі адамдарды алдағанын мойындап, видео жариялады.
"Менің аяғымның тізесінен төменгі жағы жоқ. Бір кездері бармақтарымды үсітіп алғанмын. Бірнеше ота жасалды, аяғында аяғымды кесті. Базарға барып, адамдардан ақша сұрадым. Сол кезде бір қыз мені видеоға түсіре бастады, сасқанымнан "мені құлдықта ұстайды" дей салдым. Шындығында мені ешкім ұстап отырған жоқ, өз бетіммен қайыр тілеп жүрдім", - дейді ер адам.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
