Видеосы желіде тараған төбелесқұмар оқушы қыздардың оқиғасына қатысты тың дерек жарияланды

Әлеуметтік желі, сурет - Zakon.kz жаңалық 17.05.2023 20:45

Сурет: видеодан алынды

Талдықорғанда 15 жастағы қызды жабылып ұрған үш қыздың бірі сот шешімімен девианттық мектепке ауыстырылды, деп хабарлайды Zakon.kz.

Аталған оқиға анықталғаннан кейін арнайы комиссия құрылып, бұзақылық жасаған қыздарға қатысты шешім шығарылды. Оның негізінде, 10 мамыр күні Мейрамгүл Нұржанқызы девианттық мектепке ауыстыру ұйғарылды, деп хабарлайды ҚазАқпарат.

"Мейрамгүл Нұржанқызы Талдықорғандағы кешкі ауысымдағы мектептің 9-сыныбында оқиды. Ол 10 мамыр күні сот шешімімен Жамбыл облысы әкімдігінің Білім басқармасына қарасты Балалар мен жасөспірімдердің арнаулы мектебіне ауыстырылды. Бұл тәртібі қиын балаларға арналған девианттық мектеп. Ол білім ордасы арнайы қоршалған. Білім алушылар полицейлер мен тәрбиешілердің бақылауында болады", - деді Талдықорғандағы кешкі ауысымдағы мектеп директоры Ерік Саржігітов.

Айта кетсек, 9 қаңтарда әлеуметтік желіде Талдықорғанда белгісіз үш қыздың кәмелетке толмаған қызды ұрып жатқан видеосы тарады.

Оқи отырыңыз